මෙරට සංගීත ක්ෂේත්රයේ නව රැල්ලක් ඇති කරමින්, 90 දශකයේ ජනප්රියත්වයේ හිණිපෙත්තටම පත් වූ ‘6th Lane’ සංගීත කණ්ඩායමේ සාමාජිකයෙකු වූ චාල්ස් ලක්ෂාන් අභාවප්රාප්ත වී තිබෙනවා.
කලක් රෝගාතුරව සිටි ඔහු මියයන විට 44 වන වියේ පසු වුණා.
භාතිය – සන්තුෂ් සහ සෙන්ටිග්රේඩ්ස් වැනි සංගීත කණ්ඩායම් සමඟ සමකාලීනව කරළියට පැමිණි ‘6th Lane’ කණ්ඩායම, මෙරට සංගීත කලාවට නව ආරක පොප් (Pop) සංගීත ශෛලියක් හඳුන්වා දීමට සමත් වුණා.
අදටත් රසික හදවත් තුළ රැඳී පවතින බොහෝ ගීත රැසක් ඔවුන් සංගීත ක්ෂේත්රයට දායාද කළා.
චාල්ස් ලක්ෂාන් ඇතුළු කණ්ඩායම ගැයූ මල් පෙත්තක් සේ සුසිනිදු සිත ගීතය එකල තරුණ පරපුර අතර අතිශය ජනප්රිය වූ අතර, එය අදටත් ගුවන් විදුලි සහ රූපවාහිනී නාලිකාවල නිතර වාදනය වන අමරණීය නිර්මාණයක්.
මීට අමතරව මව් ගුණය වර්ණනා කරමින් ඔවුන් ගැයූ අම්මේ නුඹට මං ආදරෙයි ගීතය ද අතිශය ප්රසිද්ධියට පත් වුණා.
සංගීත කණ්ඩායමක් ලෙස කලක් ක්රියාකාරීව නොසිටියද, එම සාමාජිකයින් අතර පැවති බැඳීම සහ ඔවුන්ගේ නිර්මාණ කෙරෙහි රසිකයින් තුළ පැවති ආදරය අඩුවක් නොවුණා.
චාල්ස් ලක්ෂාන්ගේ අකල් වියෝව පිළිබඳ පුවත සැලවීමත් සමඟ සංගීත ක්ෂේත්රයේ ප්රවීණයන් මෙන්ම ඔහුගේ සහෝදර කලාකරුවන් ද සිය ශෝකය සමාජ මාධ්ය හරහා පළ කර තිබෙනවා.
