රක්ෂිත බන්ධනාගාර ගත කර සිටි මෝටර් රථ ප්රවාහන කොමසාරිස් ජනරාල් කමල් අමරසිංහ මහතා ඇප මත මුදාහැරිමට පිලැස්ස මහේස්ත්රාත් ඩබ්ලිව්.එම්.එම්.අයි.වාසල මහත්මිය අද (20) නියෝග කර තිබේ.
ඒ අනුව රු. 25,000ක මුදල් ඇපයක් සහ ලක්ෂ 2 බැගින් වු ශරීර ඇප දෙකක් මත ඔහුව මුදා හැරීමට නියෝග කර ඇත.
කෙසේ වෙතත් ඔහුට විදෙස් ගමන් තහනමක් ද පනවා ඇති අතර අදාළ නඩුව මැයි 11 වනදා නැවත කැඳවීමට නියමිතය.
වාහනයක් ලියාපදිංචි කිරීමේදී සිදුව ඇති බව කියන අක්රමිකතාවයක් සම්බන්ධයෙන් මෝටර් රථ ප්රවාහන කොමසාරිස් ජනරාල් කමල් අමරසිංහ මහතා පසුගිය මාර්තු 27 වනදා අපරාධ පරීක්ෂණ දෙපාර්තමේන්තුව මගින් අත්අඩංගුවට ගනු ලැබීය.
