අමෙරිකාවේ ධවල මන්දිරය පරිශ්රයෙන් පිටත පුද්ගලයකු විසින් සිදු කළ වෙඩි තැබීමකට එරෙහිව අමෙරිකානු රහස් ඔත්තු සේවය එල්ල කළ වෙඩි ප්රහාරයකින් එම සැකකරු ජීවිතක්ෂයට පත්ව තිබෙන බව විදෙස් මාධ්ය වාර්තා කරනවා.
මෙම වෙඩි හුවමාරුව සිදුවන අවස්ථාවේදී අමෙරිකානු ජනාධිපතිවරයා ද ධවල මන්දිරය තුළ රැඳී සිටි බව සඳහන්.
සැකකරු විසින් ධවල මන්දිරයෙන් පිටතදී ප්රථමයෙන් වෙඩි තැබීම ආරම්භ කර ඇති අතර, එම අවස්ථාවේදී එතැන සිටි බාහිර පුද්ගලයෙකුට ද වෙඩි වැදී තුවාල සිදුව තිබෙනවා.
සිද්ධියත් සමග වහාම ක්රියාත්මක වූ රහස් ඔත්තු සේවා නිලධාරීන් සැකකරුට එදිරිව වෙඩි ප්රහාර එල්ල කර ඔහුව මෙල්ල කිරීමට කටයුතු කර තිබුණා.
එන් පසුව වෙඩි වැදුණු සැකකරු මියගිය බවයි එම මාධ්ය වාර්තා කළේ.
මෙම අනපේක්ෂිත වෙඩි තැබීමත් සමග ධවල මන්දිරය අවට ආරක්ෂාව දැඩි කිරීමට වහාම පියවර ගෙන තිබෙනවා.
