කෙහෙල්බද්දර පද්මේට අයත් මයික්‍රෝ පිස්තෝලයක් සහ පතොරම් 500ක් සොයා ගැනේ

අත්අඩංගුවේ පසුවන සංවිධානාත්මක අපරාධකරුවෙකු සහ මත්ද්‍රව්‍ය ජාවාරම්කරුවෙකු වන ‘කෙහෙල්බද්දර පද්මේ’ නමැත්තාට අයත් පිස්තෝල වර්ගයේ ගිනි අවියක් ඇතුළු උණ්ඩ තොගයක් පොලීසිය විසින් සොයාගෙන තිබෙනවා.

ඒ අනුව, බස්නාහිර උතුර අපරාධ කොට්ඨාසය විසින් සිදුකළ මෙහෙයුමකදී මෙම ආයුධ සොයාගෙන ඇති බවයි සඳහන් වෙන්නේ.

එම ගිනි අවිය ඇතුළුව, T-56 මැගසින් 04 ක් සහ T-56 වර්ගයේ උණ්ඩ 500 කට අධික ප්‍රමාණයක්ද මෙලෙස සොයාගෙන ඇති බවයි පොලීසිය වැඩිදුරටත් ප්‍රකාශ කර සිටියේ.