ලෝක වෙළෙඳපොළේ බොරතෙල් බැරලයක මිල යළිත් වරක් අමෙරිකානු ඩොලර් 100ට වඩා අඩු අගයක් ගෙන ඇති බව විදෙස් වාර්තා පවසයි.
ඉරානය සහ අමෙරිකාව අතර යළි සාකච්ඡා අරඹන බවට ප්රකාශ වීමත් සමග මෙලෙස මිල ගනන් පහළ ගොස් ඇති බව සදහන්.
ඒ අනුව බ්රෙන්ට් වර්ගයේ බොරතෙල් බැරලයක මිල සියයට 3.8ක ප්රතිශතයකින් පහළ ගොස් ඇති අතර එහි නව මිල ඩොලර් 95.54ක් ලෙස සටහන් වී තිබේ.
ඩබ්ලිව්.ටී.අයි. වර්ගයේ බොරතෙල් බැරලයක් අමෙරිකන් ඩොලර් 92.85ක් ලෙස සටහන් වූ බවයි විදෙස් මාධ්ය වාර්තා කළේය.
මේ අතර මර්බන් බොරතෙල් බැරලයක මිල ඩොලර් 100.80 දක්වා පහළ ගොස් ඇති බව සඳහන්ය.
මෙම මර්බන් බොරතෙල් ශ්රී ලංකාවට විශේෂයෙන් වැදගත් වන්නේ, පසුගිය කාලයේදී වැඩි වශයෙන් එම බොරතෙල් වර්ගය ආනයනය කර තිබීම හේතුවෙන්ය.
එක්සත් අරාබි එමීර් රාජ්යයේ අබුඩාබි හි නිපදවනු ලබන මෙම බොරතෙල් වර්ගය පිරිසිදු, සැහැල්ලු සහ සල්ෆර් අඩු මට්ටමක පවතින බැවින් පිරිපහදුව සඳහා ඉතා පහසුය.
