සීදුව පොලිස් බලප්රදේශයට අයත් ප්රදේශයකදී 79 හැවිරිදි කාන්තාවක අමානුෂික ලෙස ඝාතනය කර ඇයගේ මළසිරුර ගමන් මල්ලක සඟවා තිබියදී සොයාගෙන තිබේ.
මෙලෙස ඝාතනයට ලක්ව ඇත්තේ සීදුව, මුක්කලංගමුව, පියසමර ප්රදේශයේ පදිංචිව සිටි 79 හැවිරිදි ගර්ලි චනිද්රනි නැමැති කාන්තාවකි.
ඊයේ (20) සීදුව පොලිස් ස්ථානයට ලැබුණු තොරතුරක් මත නිලධාරීන් අදාළ නිවස පරීක්ෂා කිරීමේදී නිවසේ කාමරයක තිබූ ගමන් මල්ලක් තුළින් කාන්තාවගේ මළසිරුර සොයාගෙන ඇත.
සිද්ධිය සම්බන්ධයෙන් සිදුකළ විමර්ශනවලදී, නිවසේ නඩත්තු කටයුත්තක් සඳහා පැමිණ සිටි 42 හැවිරිදි පුද්ගලයෙකු පොලිසිය විසින් අත්අඩංගුවට ගෙන තිබේ.
සැකකරු දැඩි ලෙස මත්ද්රව්යවලට ඇබ්බැහි වූවෙකු බවට අනාවරණය වී ඇති අතර, කාන්තාව සතුව තිබූ රන් ආභරණ කොල්ලකෑමේ අරමුණින් මෙම ඝාතනය සිදුකර ඇති බවට මූලික විමර්ශනවලදී හෙළි වී ඇත.
පසුව මළසිරුර ගමන් මල්ලක සඟවා තිබූ බව ද පොලිසිය සඳහන් කරයි.
සිද්ධිය වූ ස්ථානයට මීගමුව වැඩබලන මහේස්ත්රාත් ඉන්දික සිල්වා මහතා සහ රජයේ වෛද්ය නිලධාරීවරයා පැමිණ මූලික විමර්ශන සහ මහේස්ත්රාත් පරීක්ෂණ සිදුකර තිබේ.
මෙම ඝාතනය සහ කොල්ලකෑම සම්බන්ධයෙන් සීදුව පොලිසිය වැඩිදුර විමර්ශන සිදුකරයි.
