ජාත්යන්තර මූල්ය අරමුදලෙන් ක්රියාත්මක කර ඇති විස්තීර්ණ ණය වැඩසටහනේ 5 වැනි හා 6 වැනි සමාලෝචන සාර්ථකව අවසන් කිරීමෙන් පසු එහි 6 වැනි සහ 7 වැනි වාරික අමෙරිකානු ඩොලර් මිලියන 695ක මුදලක් මහා භාණ්ඩාගාරය වෙත ලැබී ඇතැයි මුදල් හා ක්රම සම්පාදන නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා පවසයි.
ජාත්යන්තර මූල්ය අරමුදලේ මෙරට නේවාසික නියෝජිත Martha Tesfaye Woldemichael මහත්මිය හා මුදල් හා ක්රම සම්පාදන නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා අතර හමුව ඊයේ (03) පෙරවරුවේ මුදල් අමාත්යාංශයේදී සිදුවූ අවස්ථාවේදී ඇමැතිවරයා මේ බව කීය.
වාරික දෙකට අදාළව අමෙරිකානු ඩොලර් මිලියන 695ක මුදලක් ශ්රී ලංකාවට ලැබී ඇති බවත්, එය මෙරට විදේශ සංචිත ප්රමාණය ඉහළ නැංවිමට උපකාරී වෙමින් තාවකාලිකව සිදුවූ රුපියල අවප්රමාණය වීම පිළිබඳව විවිධ පාර්ශ්ව එල්ල කළ පදනම් විරහිත චෝදනාවලට පිළිතුරක් වන බවත් ඇමැතිවරයා පෙන්වා දුන්නේය.
ශ්රී ලංකාවේ ආර්ථිකය ස්ථාවරව පවත්වාගෙන යෑම සඳහා ජාත්යන්තර මූල්ය අරමුදල සමඟ ඇති කරගත් ප්රතිපත්තිමය එකඟතා නිසි පරිදි ක්රියාත්මක කිරීම මීට හේතුව බවයි අමාත්යවරයා සඳහන් කළේ. විශේෂයෙන්ම දිට්වා සහ මැද පෙරදිග යුද තත්ත්වය වැනි ආර්ථිකමය වශයෙන් ඇති වූ කම්පන තත්ත්වයන්ට ඔරොත්තු දිය හැකි මට්ටමට මෙරට ආර්ථිකය ළඟා වූයේ එම නිවැරැදි ආර්ථික ප්රතිපත්තිමය තීන්දු තීරණ හේතුවෙන් බව හෙතෙම වැඩිදුරටත් පෙන්වා දෙන ලදි.
කම්පන තත්ත්ව යටතේ වඩාත් අවදානමට ලක්විය හැකි පිරිස වෙනුවෙන් රජයක් ලෙස නිසි මැදිහත්වීමක් කළ හැකි වූ බව සඳහන් කළ අමාත්යවරයා දිට්වා ව්යසනයේදී රුපියල් බිලියන 500ක මුදලක් ද, මැදපෙරදිග යුදමය තත්ත්වය හේතුවෙන් රුපියල් බිලියන 100ක් ද මීට පෙර වෙන්කිරීමට හැකි වූ බවත්, පසුගියදා රැස් වූ කැබිනට් මණ්ඩලය මඟින් ඒ සඳහා තවත් රුපියල් බිලියන 20ක් වෙන් කළ බවත් සඳහන් කළේය.
