ඉන්දුනීසියාවේදී අත්අඩංගුවට ගත් කෙහෙල්බද්දර පද්මේ ඇතුළු සැකකරුවන් පස් දෙනා මෙරටට රැගෙන ඒමට කටයුතු කළ නිලධාරීන් වෙත උපහාර පිරිනමා තිබෙනවා.
ඒ අනුව, බස්නාහිර උතුර අපරාධ කොට්ඨාසය භාර සහකාර පොලිස් අධිකාරී රොහාන් ඕලුගල සහ අපරාධ පරීක්ෂණ දෙපාර්තමේන්තුවේ සහකාර පොලිස් අධිකාරී මහින්ද ජයසුන්දර ඇතුළු, මෙම මෙහෙයුමට සම්බන්ධ වූ ඉන්දුනීසියානු නිලධාරීන්ට ද උපහාර ලබා දී ඇති බවයි සඳහන් වන්නේ.
මෙම අවස්ථාවට මහජන ආරක්ෂක අමාත්‍ය ආනන්ද විජේපාල, පොලිස්පතිවරයා සමඟ පොලීසියේ උසස් නිලධාරීන් පිරිසක් ද එක්ව සිට ඇති බවද වැඩිදුරටත් සඳහන් වෙනවා.
