හිටපු ජනපති මහින්දගේ ආරක්ෂාව ඉල්ලා හිමිනමක් උපවාසයක් අරඹයි

හිටපු ජනාධිපති මහින්ද රාජපක්ෂ මහතාගේ ආරක්ෂාව ඉවත් කිරීම සම්බන්ධයෙන් විරෝධය දක්වමින් රතුපස්වල තෙරිපැහැ සිරිදම්ම හිමියන් උපවාසයක් ආරම්භ කර තිබේ.

අද (08) දහවල් 01.00 ට පමණ තංගල්ල කාල්ටන් නිවස ඉදිරිපිට ඇති D.S.සේනානායක පිළිරුව ඉදිරියේ මෙම උපවාසය ආරම්භ කර ඇති අතර මහින්ද රාජපක්ෂ මහතාගේ සහ අනෙකුත් හිටපු ජනාධිපතිවරුන්ගේ ආරක්ෂාව ද නැවත ලබාදෙන ලෙස ඉල්ලමින් ස්වාමීන්වහන්සේ විසින් මෙම‍ උපවාසය ආරම්භකර ඇති බව වාර්තා වේ.